Personaliza a lectura dos teus estudantes co Lector Inmersivo de Microsoft

Á hora de poñer en marcha todas as estratexias e métodos que van formar parte do proceso de aprendizaxe do alumnado, é necesario atender ás distintas peculiaridades deste, tamén daquel con necesidades educativas especiais. O Lector Inmersivo bríndache a posibilidade de levar a cabo unha ensinanza máis individualizada e, polo tanto, moito máis eficaz e significativa.

Ta-tum proponche a lectura como unha tarefa fácil e accesible para toda a clase, tamén para alumnas e alumnos que poidan ter dificultades específicas para focalizar e manter a atención ou que posúan unha discapacidade visual ou auditiva. O Lector Inmersivo poderá formar parte do programa de reforzo que o estudante requira, así como dos distintos adestramentos condutual-cognitivos necesarios para o seu completo desenvolvemento académico e persoal.

Como funciona o Lector Inmersivo?

O seu funcionamento é moi sinxelo e intuitivo; actívao na esquina superior do libro e a páxina onde vaias comezar a lectura. Recoñeceralo enseguida.

O obxectivo é regular todos aqueles parámetros que consideres necesarios para facer que a actividade lectora resulte o máis cómoda posible.

Todas estas funcións permiten focalizar a atención na lectura: realizar un contraste de cores; pautar as liñas; incrementar o espazo entre as frases e as sílabas, así como as letras, o tamaño e a fonte do texto.

É totalmente necesario atender tarefas específicas para desenvolver a atención. O Lector Inmersivo convértese, por iso, nun material activo, diferente e novidoso para a clase, xa que mediante distintos estímulos poden reforzar e desenvolver os hábitos para conseguilo. Tamén lles facilita a lectura a aqueles estudantes que aínda non controlan o castelán ou que se incorporaron de forma tardía ao sistema educativo español, xa que conta con traducións en máis de 40 idiomas.

A asociación de imaxe e palabra é realmente importante á hora de realizar avances na educación literaria e na adquisición do hábito lector. Desenvolverase a través do dicionario de imaxes que esta ferramenta ofrece; representa algunhas palabras do libro para traballar tamén a adquisición de vocabulario.

Desde Ta-tum desexamos garantir que todos os estudantes teñan a oportunidade de gozar dunha experiencia lectora inclusiva e enriquecedora. Coñece máis sobre o funcionamento desta ferramenta e descubre como pode cambiar a forma na que as túas alumnas e alumnos abordan a lectura.