NOVIDADES en maiúscula!

Ta-tum está en constante evolución, por iso nos encanta que nos enviedes propostas para seguir mellorando a plataforma. Necesitamos a vosa axuda para crear unha comunidade cada vez máis inclusiva. Entre as vosas observacións, encontramos unha GRAN proposta: incluír na nosa interface de lectura unha tipografía en maiúsculas.

 

Ler en Ta-tum é unha experiencia única e personalizada, así que a nosa interface de lectura amplía as súas posibilidades: desde aumentar ou reducir o tamaño do texto, ata usar diferentes temas que modifican a aparencia dos libros dixitais, pasando por seleccionar o tipo de letra. Agora, esta nova tipografía en maiúscula abre unha porta máis aos que se encontran dando os seus primeiros pasos coas letras, a quen le fluído pero lle gusta facelo en maiúsculas ou a quen lle resulta un pouco máis fácil acceder ás historias deste xeito.  

Lembras onde están todas estas opcións? Botamos unha ollada rápida a calquera das nosas lecturas. En primeiro lugar, elixe o libro que queres ler e fai clic no botón «Ler libro». Se estás utilizando a aplicación, terás que descargalo primeiro; se accedes desde o navegador, observa que o libro se abrirá nunha pestana nova. 

Agora, fai clic sobre a páxina do libro e aparecerán unhas bandas na parte superior e inferior da pantalla. Lembra: a barra inferior mostra o avance na lectura, e a superior, as opcións de personalización do texto, os marcapáxinas e o rexistro de actividade no libro.

 

 

Fai clic na icona «TT» para despregar o menú onde encontrarás:

• Un cursor para aumentar ou reducir o tamaño do texto: desprázate pola barra cara á esquerda ou á dereita para modificar o tamaño da letra.
• Un selector de tipografías: abre o despregable cos sete tipos e elixe a túa favorita.
• Unha galería de temas: estes cambian tanto a cor do fondo como o da letra para adaptarse ás diferentes necesidades de visión ou momentos do día. 

Así de sinxelo, non é xenial? Anima o teu alumnado a personalizar as súas lecturas en función dos seus gustos e as súas necesidades, seguro que lles encanta!

Queres recordar o resto de opcións da interface de lectura de Ta-tum? Neste videotitorial  podes ver o seu funcionamento.

Que che parece?, sabes xa como o vas usar? Ocórrensenos un montón de ideas, non só de reforzo senón tamén para presentarlles novos retos aos lectores máis ávidos da aula.