Detektibe hasi berrientzako La Salle Felipe Benito ikastetxearen gomendioak

Enigma on bat da misterio ororen bihotza eta, haren taupadak, jakin-mina pizteaz gain, hipotesi anitz eta apartekoenetan pentsatzera bultzatzen gaitu. Nola ez dibertitu erronkaren aurrean? Ta-tumek literaturako detektibe bihurtzen gaitu. Zoragarria da, ezta? Kontua (ez da inola ere agerikoa) nola hasi jakitean datza.

José María Valpuesta, La Salle Felipe Benito (Sevilla) ikastetxeko DBHko 1. mailako irakasleak, bere ikasgela eta ikasleak aldarazi zituzten sekretu batzuk azaldu dizkigu. Plataformarekin lanean hilabeteak eman ostean, % 70ek baino gehiagok uste du asko handitu dela irakurtzeko bere gogoa, eta ia % 90ek uste du irakurketa hobetzeko baliabide egokia dela. Neska-mutilek gertu-gertutik egiaztatu zuten haien arreta, arrazoiketa, abiadura eta ulermena hobetu zirela eta ez dugu ahaztu behar horiek guztiak irakurmenerako oinarrizko gaitasunak direla. 

Ikasleen lekukotzek, gainera, curriculumaz harago dagoen beste zerbait ere erakutsi zuten. “Zer ikasi duzue?”, galdetu zieten. Honako hauek izan ziren haien erantzunak: “irakurritakoa gogoratzen”, “xehetasunetan arreta jartzen”, “amore ematen ez baduzu, agian nahi zenuena ezingo duzula egin, baina behin eta berriro saiatuz gero, gauzak zerbait alda ditzakezula”. Are hobea: “irakurtzea dibertigarria dela ikasi dut”, eta “irakurketarekiko interesa izaten”, “niretzat gauza garrantzitsuenetako bat da gehiago irakurtzen lagundu didala”. Ez al da zoragarria? Jakin nahi al duzu nola lortu duten? Hartu libreta bat eta idatzi “Nerabeak irakurketarekin lotuta motibatzeko moduari buruzko kasu harrigarria” argitzeko gako batzuk.

Hasi berriak diren detektibeentzako erabilera eskuliburua, José María Valpuestaren eskutik:

1. Pertsonalizatu zure ikasgela Ta-tumen material inprimagarriekin eta bihur ezazu detektibeen benetako eskola. Etxetik ekarritako edo zuek sortutako beste baliabide batzuekin osa dezakezu. Hastera doa abentura!

2. Sartu zure rolean. Lehen kasuarekin lanean hasi aurretik, pentsatu elkarrekin: Nolakoak dira detektibeak? Zein dira horiek definitzen dituzten ezaugarriak? Anima itzazu detektibe bihurtzera: ekar ditzatela etxetik mozorroak, osagarriak… Irudimena abian!

3. Prestatu ongietorria emateko ospakizun txiki bat. Detektibe literarioaren txartela banatzeko zeremonia egin dezakezu. 

4. Idatzi zuen detektibeen eskolako arauak eta aukeratu, denen artean, adostasun bidez, lehen kasua. Garrantzitsua da hasiera-hasieratik kide aktiboak direla sentitzea.

5. Proiektatu kasuaren Bilaketa atala. Hala, motibazio bideoa erakutsi eta zuen lehen hipotesiak prestatzen hasi ahal izango duzue. Aprobetxatu ikasleekin elkarrizketa egiteko eta deigarria zer iruditzen zaien, haien interes eta lehentasunak zein diren eta abar jakiteko.

6. Hasi aukeratutako liburua irakurtzen!

7. Ikerketa buru gisa, argitaratu ikerketak kasuaren horman. Zuen ikasleek kasuak argitu behar dituzte puntuak eta dominak lortzeko, eta hala detektibe onenak bihurtuko dira.

8. Taldea bultzatu nahi baduzu, proiektatu emaitzak sailkapena ikus dezaten eta anima itzazu plataformaren horman iruzkinak idaztera. 

9. Taldea bultzatu nahi baduzu, proiektatu emaitzak sailkapena ikus dezaten eta anima itzazu plataformaren horman iruzkinak idaztera. 

10. Kasua amaitzean, eman dagozkien diplomak.

Amaitzeko, honako hau kontatu digu José Maríak: “Ta-tum plataforma erabiltzetik gehien gustatzen zaidana da irakurketa modu dibertigarri eta autonomoan egiten dela. Gainera, familiak ere gonbidatu ditugu metodologia ezagut dezaten saioren batean parte hartzera”.  

Irakurketa gamifikatuko plataforma honetan barneratzea animatzen zaitugu.