PENGUIN AULA ETA EDELVIVES ELKARREKIN IKASGELETAN IRAKURKETA SUSTATZEAREN ALDE

Ta-tumen uste sendoa dugu irakurketak bizitzak alda ditzakeela. Hori dela eta, ezin zoriontsuago gaude milaka ikaslerentzat irakurketa aukerak zabaltzen dituen albiste bat partekatzeagatik: Edelvivesek eta Penguin Random House Editorial Taldeak akordio bat sinatu dute ikasgeletara inspiratzen, hunkitzen eta hezten duten istorio gehiago eramateko.

Urrats berri horrekin Penguin Aularen haur eta gazte literaturako 75 titulu irakurrienak eskuragarri izango ditugu. Penguin Random House Grupo Editorial (PRHGE) eskola kanalari esker, 1.000 liburu baino gehiago daude honezkero Ta-tum plataforman. Horrek esan nahi du genero gehiago, autore gehiago, begirada gehiago… azken batean, liburutegi aberatsagoa, inklusiboagoa eta motibatzaileagoa irakurle gazteentzat.

Premiazko erronka bati aurre egiteko konpromisoa

Irakurketa gaitasuna hezkuntza erronka handienetako bat da oraindik ere. PISAko azken txostenaren arabera, 4 nerabetik 1ek ez du irakurketa gaitasun gutxieneko maila lortzen, eta zifra horrek okerrera egin du azken urteetan. Egoera horren aurrean, irakurketa sustatzea ezin da lan isolatua izan: lankidetza, berrikuntza eta konpromisoa behar dira.

Helburu argia duen aliantza bat

Alejandro Cebrián Edelvives Espainiako zuzendari nagusiak maiatzaren 29an akordioaren aurkezpenean nabarmendu zuenez:

«Ikasgelak egungo ikasleen hizkuntzan hitz egiten duten eta haiek harrapatzen eta hunkitzen dituzten irakurketez bete nahi ditugu, ikasgela barruan eta kanpoan hazten laguntzeko».

Edelvives eta Penguin Aula bat datoz ikuspegi horrekin: ikastetxeetara ikasleekin konektatuko duten liburuak eramatea, beren interesak islatuko dituztenak eta hausnarketa, irudimena eta pentsamendu kritikorako atea irekitzen dutenak.

Zer aldatzen da Ta-tum erabiltzaileentzat?

• Irakurketa aukera gehiago, Penguin Aula katalogoko egile ospetsuen liburuekin.
• Irakurritakoaren ulermena lantzeko aukera gehiago, titulu bakoitzak dituen baliabide didaktikoei esker.
• Motibazio handiagoa: ikasleen gustuetara egokitzen diren lanak eta irakurle aktibo bihurtzen dituzten irakurketak.

Ta-tumen lanean jarraituko dugu irakurketa hezkuntza eraldatzeko tresna izaten jarrai dezan, eta akordio honekin aurrerapauso handia emango dugu irakasle eta ikasle gehiagok arrastoa uzten duten istorioak dituen liburutegi digital bat eskura izan dezaten.

👉 Sartu Ta-tumen