Ez utzi irailerako ekainean egin dezakezuna!

23-06-2022

Gustatuko litzaizuke Ta-tumen aukera guztiak ezagutzea? 2022-23 ikasturtean hasi behar baduzu plataformarekin lanean edo haren funtzionamenduari buruzko oinarrizko gai batzuk gogoratu nahi badituzu, prestakuntza plan hau zuretzat da!

Lau web mintegi independente proposatzen dizkizugu. Egun eta ordutegi ezberdinetan eskainiko ditugu, gehien interesatzen zaizkizunak aukera ditzazun. Ta-tum ezagutzeko beharrezko baliabideak eskaintzea, mundu digitalean zure lehen pausoak ematea eta, bide batez, oso ongi pasatzea dira helburuak.

 

Ta-tumen aurkezpena

Webinar honetan, Ángela Hernández Domingok Ta-tum aurkeztuko du, plataformara nola sartu kontatuko dizu eta, gainera, irakaslearen profilak eskaintzen dituen aukeretan zehar ibilbide bat egiten lagunduko dizu. Ángela Ta-tumeko Project Managerra da, aholkulari pedagogikoa, irakaslea, eta 1 eta 2 mailetako Google Trebatzaile ziurtatua.

 

Lehen urratsak Ta-tumekin  

Sergio Sánchez García irakasle eta Google Trainer-ak zure ikasleei plataforma modu motibagarri batean aurkezten eta haren funtzionamendua azaltzen lagunduko dizu. Gainera, iradokizunak egingo dizkizu lehen saioak nola bideratu, lehen irakurketak nola aukeratu…

 

Ta-tum Lehen Hezkuntzako lehen ikasmailetan

Irakurlerik gazteenekin Ta-tum erabiltzeko oinarrizko alderdiak lantzen ditu saio honek. Liburuak aukeratzeko orientabidea emango dizu, eta irakurketa eta idazketaren prozesua errazteko eta hobetzeko jarduerak gomendatuko dizkizu. Hizlaria Elisa Beltrán García da, Lehen Hezkuntzako eta Hezkuntza Bereziko irakaslea, Educa Abanca sarietako finalista eta Espainiako irakasle onena 2018an, INTEF intsignia hezkuntza teknologiako lidergorako.

 

Ta-tum DBHn (Datak baieztatzeke daude)

José María Valpuesta Ruiz, Pedagogia Terapeutikoan espezialista den irakaslea, psikopedagogoa eta logopeda. Duela hainbat ikasturtetatik, Irakurketa Tailerra egin du nerabeekin. Nola motibatu ditu? Zer estrategiak lagundu diote hain zaila den adin horretan irakurleak sortzen? Saio honetan bere sekretuak jakinaraziko ditu!

recurso_separadorestrella_tatum

Webinar guztiak zuzenean egingo dira. Zure posta elektronikora ere bidaliko dizugu grabaketa, mintegia nahi adina aldiz ikus dezazun.

Hasierako prestakuntza programa honen ondoren, Ta-tumetik ikasturte osoan zehar lagunduko dizugu prestakuntza saio gehiagorekin, plataformari ahalik eta etekin handiena ateratzeko eta haren erabileraren beste esperientzia batzuk ezagutzeko.

Jarri martxan Ta-tum, klik bakarrean!