2022ko euskarazko irakurketa gogokoenak

12-01-2023

Urte aldaketarekin batera, zerrendekiko eta rankingekiko pasioa etorri da: Zein izan da gehien entzun den abestia? Leihatiletan diru gehien lortu duen filma? Eta misteriorik handiena: Zein izan dira lehen irakurleen Ta-tumeko irakurketa gogokoenak? 2022an irakurleen bihotzak hartu dituzten liburuak zein diren esango dizugu.

Zerrenda interesgarria iruditu zaizu? Ta-tum liburutegiko apal guztiak arakatzera animatuko zarela espero dugu!

 

6 URTETIK AURRERA

Hortzik gabeko krokodiloa

Testua: Juan Clemente Gómez
Ilustrazioa: Christian Inaraja
Bilduma: Paper Txoriak Sail Gorria
Adina: 6 urtetik aurrera

 

Krokodilo jatun bat bizi da Amalurreko ibaian, turistak jaten ditu guztiz oharkabean. Dentistari dio galdetu eta mesedez eskatu hortz-haginak ongi garbitzeko sekulako mina baitu!

Eta a zer-nolako buila eta algara bere aho beldurgarria ikustean bertatik bertara!

recurso_separadorestrella_tatum

Nola bainatu martetar bat

Testua: Franco Vaccarini
Ilustrazioa: Carlos Higuera
Bilduma: Paper Txoriak Sail Gorria
Adina: 6 urtetik aurrera

 

Orain dela gutxi martetar bat iritsi zen Luzioren etxera, eta badirudi gelditzeko etorri zela. Horixe esan zioten, behintzat. Martetarrari, ez dakienez berak bakarrik ezertxo ere egiten, jaten eman behar zaio, eta bainatu, besteak beste. Luziok harekin partekatu behar du logela, eta, badaezpada ere, nola zaindu ikasten ari da, nahiz eta oraindik ez daukan oso argi ideia ona ote den martetar batekin bizitzea.

recurso_separadorestrella_tatum

Iruzurbeitia zizarea

Testua: Blanca Álvarez
Ilustrazioa: Tesa González
Bilduma: Paper Txoriak Sail Gorria
Adina: 6 urtetik aurrera

 

Iruzurbeitia ez da, ez, besteak bezalako zizarea: arrosa kolorekoa da eta eguzkia hartzea asko gustatzen zaio.

Hori guztiori oso arraroa da, bere familiakoentzat, batez ere. Alabaina, Jango ezagutuko du basoan, armiarma barazkijalea, eta berarekin ikasiko du ezberdina izateaz gozatzen.

recurso_separadorestrella_tatum

8 URTETIK AURRERA

MATXINSALTO BILDUMA

Txokolatezko pastela

Testua: Oihane Fernandez
Ilustrazioa: Enrique Morente
Bilduma: Matxinsalto
Adina: 8 urtetik aurrera

 

Xiberrentzat astelehenak asteko egunik kutunenak dira, gozoenak. Izan ere, egun horretan jantokian txokolatezko pastela hartzen baitute. Josunek berak prestatzen du, eskolako sukaldari handikoteak.

Bat-batean, ordea, Xiberren eskolako lagunak gaixotzen hasten dira. Josune egongo ote da izurrite honen atzean? Kapaz izango ote da Xiber gertaera honen osagai guztiak lortu, lapikoan sartu eta misterioa argituko duen errezeta lortzeko?

recurso_separadorestrella_tatum

Baloiak arboletan

Testua: Yoseba Peña
Ilustrazioa: Alai Zubimendi
Bilduma: Matxinsalto
Adina: 8 urtetik aurrera

 

Zergatik dago eskolako ate beltza beti itxita? Bai, bai, idazkaritza aurrean dagoena. Behin Jonek irekita ikusi zuen eta, haren atzean, eskailera batzuk aurkitu zituen. Eskailerak jaisten ari zela, irristatu, erori eta baso berezi batean amaitu zuen. Baso hartako arbolen adarretan baloiak zeuden zintzilik! Jonek, bertan, Potzol dragoia eta Bittor adarbakarra ezagutu zituen. Zaldun Moreak, ordea, hirurak bahitu zituen.

recurso_separadorestrella_tatum

PAPER TXORIAK SAIL URDINA

Hiru katu kontu

Testua: Ricardo Gómez
Ilustrazioa: Mar Ferrero
Bilduma: Paper Txoriak Sail Urdina
Adina: 8 urtetik aurrera

 

Klaudia eta Dani arduratuta daude, Blai, haien katua, desagertu egin baita.

Etxean sartu zutenetik hankaz gora jarri zuen familia osoaren bizitza. Orain, katuarekin bizi izandako momentu zoriontsuak gogoratzen ari dira Klaudia eta Dani, eta beldur dira ez ote zuten bahituko. Baina ez batak eta ez besteak ez daki zer gertatu den benetan; hori Blaik berak bakarrik daki.

recurso_separadorestrella_tatum

AVANTE ESKOLA

Billinghurst gazteluaren kasu bitxia

Testua: David Fernández Sifres
Ilustrazioa: Alberto de Hoyos Masó
Bilduma: Avante eskola
Adina: 8 urtetik aurrera

 

Lehenbiziko aldiz, mundu osoko zazpi harribitxi baliotsuenak Billinghurst gazteluan erakusgai daude. Banan-banan, modu misteriotsuan desagertzen hasi dira, ordea.

Avante eskolako neskamutikoek ikerketari ekingo diote ornitoptero eta automata artean, baina gazteluko segurtasun buruak sartzea debekatzen dienean, kasua korapilatu egingo da. Lapurra nor den jakingo ote dute, hark harribitxi guztiak lapurtu baino lehen?

recurso_separadorestrella_tatum

10 URTETIK AURRERA

GAZTETXO! BILDUMA

Jauregiko sekretua

Testua: Maribel Aiertza
Ilustrazioa: Aitziber Alonso
Bilduma: Gaztetxo!
Adina: 10 urtetik aurrera

 

Zergatik egin behar dugu beti nagusiei sudur puntan jartzen zaiena? Gure ama sarjentuak erabaki du, aurten, Otxanten igaro behar ditugula oporrak, aitona-amonak zaintzen.

Tximeleta bat basamortuan baino gehiago aspertuko naiz, hemen umeak koadroetan baino ez direlako existitzen. Hori uste nuen jauregikoak euren ume bereziarekin etorri direla entzun dudan arte.

Amonak esan dio amari, sekretuan. Eta ez dute ni jauregira hurbiltzerik nahi. Ba hainbeste misteriorekin jakin-min itzela piztu didate.

recurso_separadorestrella_tatum

Leize-zuloko misterioa

Testua: Iñaki Zubeldia
Ilustrazioa: Alai Zubimendi
Bilduma: Gaztetxo!
Adina: 10 urtetik aurrera

 

Ainhoak 10 urte ditu eta ametsetan eginkizun zaila jaso du: Arrikruzko leize-zuloan dagoen lehoikumearen hezurdura bilatu eta amaren ondora eramatea, haren babesean egon dadin beti. Lan zaila Ainhoak eta haren laguntaldeak hartzen dutena, inork ez baitie sinesten.

Mozkor batzuk ia pikutara botako dute nesken asmoa. Hala ere, etsi gabe jarraituko dute hasitako lanean.

Abentura hunkigarria neska horiena.

Lortuko ote dute beren helburua?

recurso_separadorestrella_tatum

PAPER TXORIAK SAIL BERDEA

Gilen eta Kakapirri taldea

Testua: Manuel J. Rodríguez
Ilustrazioa: Santy Gutiérrez
Bilduma: Paper Txoriak Sail Berdea
Adina: 10 urtetik aurrera

 

Gilenen gurasoek etxez aldatzea erabakitzean, haren bizitza zeharo aldatuko da egoera berrira egokitu beharko duelako, ikastetxe desberdinean eta beste lagun batzuekin. Hala ere, gutxien espero duena da Fede, ikasgelako harroputza, beraren aurka hastea. Eta gelako ikaskideek haren irainak etsipenez onartuko zituztenik ere ez zuen pentsatzen.

Baina denak du muga, eta Gilenek plan bat martxan jarriko du.

recurso_separadorestrella_tatum

ORIOL ARLOTE

Aberastu naiz azkenean

Testua: Eva Santana
Ilustrazioa: Jaume Bosch
Bilduma: Oriol Arlote
Adina: 10 urtetik aurrera

 

Oriol dut izena, baina etxean «mukitsu», «buruhandi», «aizak! », «arrautza oskol» eta «zure seme hori» esaten didate.

Hori gutxi balitz, sekula ez dut zentimorik izaten. Arlote bat naiz, ez dakit ulertzen nauzuen, baina ez naiz gehiago izango. Nire lagun Lisekin nagoenean, ez dago oztopo gaindiezinik!

Nire familia pixka bat eramanerrazagoa izango balitz, zeruan egongo nintzateke!

Eskerrak plan bat bururatu zaidan…

recurso_separadorestrella_tatum

12 URTETIK AURRERA

EKIN BILDUMA

Coca-Cola Erdi Aroan!

Testua: M. A. Mintegi Larraza
Ilustrazioa: Ima Mendiola
Bilduma: Ekin
Adina: 12 urtetik aurrera

 

Mikel eta Aitor denboran seiehun urte atzera eginda ibiliko dira, Erdi Aroan.

Gorabehera eta estualdi askori egin beharko diote aurre, besteak beste, gaur egun arruntak baina sasoi hartan tresna harrigarriak ziruditen Coca-Cola pote baten edota aspirina baten laguntzarekin.

recurso_separadorestrella_tatum

​​Kilimanjaroko diamantea

Testua: Yoseba Peña
Ilustrazioa: Amaia Ballesteros
Bilduma: Ekin
Adina: 12 urtetik aurrera

 

Berainek udaleku bereziak bizi nahi ditu aurten, non eta Afrikan. Tanzanian bertan bilduko da arduradunarekin: Johann Von Silk, Arka Beltza aurkitu zuen espedizio mitikoko kidea. Safariaren partaideen artean bere alaba Emmy dago, Londreseko harribitxi zoragarria, eta Berain lehenengo begiradatik seko maiteminduko da arrakasta handirik gabe.

Kilimanjaroko diamantearen bila odisea arriskutsu batean murgilduko dira, kontinenterik enigmatikoen ilunpeetara eta, aldi berean, beren bihotzetara, egiazko bidaiak kanpoan zein barruan gertatzen direlako.

recurso_separadorestrella_tatum

AMESLARI BILDUMA

Inkaren begia

Testua: Natalia Alonso
Bilduma: Ameslari
Adina: 12 urtetik aurrera

 

Castell anai-arrebak euren aita Germanekin Boliviara joan dira. Aita antzinako huatacachi kulturari bu ruzko egia jakin nahi duen antropologo ospetsua da. Hala ere, haien oporrak hondatu egingo dira, German bahitzen dutenean.

Aita aurkitzeko, anai-arrebek herriko xamanaren eta kearen laguntza izango dute. Boliviako bazter ederrenetan eta ezkutuenetan gertatzen den egiazko abentura bizia, milaka urteko kultura bati buruzko egia jakiteko balio izango duena.

recurso_separadorestrella_tatum

14 URTETIK AURRERA

EKIN BILDUMA

Ezberdina bezain gozoa

Testua: Antton Kazabon
Ilustrazioa: Ima Mendiola
Bilduma: Ekin
Adina: 14 urtetik aurrera

 

Maitasun kontuak beti izaten dira emozioz koloreztatuak, arriskuz beteak, irristakorrak, kontraesanez kargatuak. Baina batez ere sentimenduz eta emozioz jantziak. Maiteminak jotzen gaituenean ez dugu geure burua kontrolatzen, zoramenezko haizeak jotzen gaitu, askotan geure burua galtzeraino, erabat itsutzeraino. Horregatik diogu arriskutsua dela, irristakorra dela.

recurso_separadorestrella_tatum

Amodioaren gazi-gozoak

Testua: Aitor Arana
Ilustrazioa: Alberto Campos
Bilduma: Ekin
Adina: 14 urtetik aurrera

XX. mendearen hasieran lanerako saldu zuten Miren neskatoa. Gezurra badirudi ere, horrelako gauzak egiten ziren gure herrian bertan. Gora-behera handiko bizimodua izan zuen Mirenek baserrian beti zerbitzari, beti lanean.

Maitasunez beteriko urte samurrak ere ezagutu zituen, urte luzeetan gartzela izandako baserria paradisu bihurtu zitzaionean.

recurso_separadorestrella_tatum

AMESLARI BILDUMA

​​Ez naiz isilduko!

Testua: Manuel J. Rodríguez
Bilduma: Ameslari
Adina: 14 urtetik aurrera

 

Laura marrazkigile gazteak bost urte lehenago itxi gabe geratutako zauria sendatu beharra dauka. Dena bere izebaren opari bitxi bat jaso zuenean hasi zen: marrazki blok bat, itxuraz, etorkizuneko gertaerak iragartzeko ahalmena zuena.

Haren orrietan bere hiru lagunik onenekin egindako argazkia marraztean, protagonista erne jarriko da lagunetako bat nabarmen aldatuko delako.

recurso_separadorestrella_tatum